Gwerra Minn Taħt l-Ilsien

Din il-poeżija qrajtha waqt Jum Pembroke 2019 fl-4 ta’ Lulju, akkumpanjat minn Immanuel Mifsud. Dan huwa rikording sempliċi tal-vuċi tiegħi waħdi li għamilt bi tħejjija għal dan l-avveniment.

Ħajr lil Clare Azzopardi talli qrat verżjoni bikrija u bagħtitli kummenti li għenuni ħafna.

Gwerra minn taħt l-Ilsien

Din mhix gwerra.

Ħadd ma fetaħ il-purtelli

biex jagħmel dikjarazzjoni.

Ħadd ma nfexx f’dagħdigħa bnadar.

Ħadd ma bagħat għall-ambaxxaturi.

L-għadu ma ssemmiex.

Imma l-ġenerali hemm qegħdin.

Wara l-kwinti.

Bil-gwerra f’ħobbhom.

Is-suldati qed jiġru minn triq għal oħra.

Bil-gafef u l-gerriema.

Bil-musmar ifittex il-vini.

U hawn min qed jintradam f’daru.

Ħadd mhu se jmut bil-blast.

Din gwerra ta’ ftit kliem.

Sema li jittebba’ bil-mod,

bħal garża bil-materja.

Nifs li dejjem jonqos.

Ġejjin għalina minn taħt l-art,

minn fuq il-baħar.

Ġejjin għalina mis-sema.

Taħsibhom sriep,

taħsibhom ajkli,

taħsibhom anġli kustodji

ġejjin jiġbruna minn taħt ir-radam.

Din gwerra minn taħt l-ilsien.

Mhux se ninnegozjaw waqfien mill-ġlied.

Mhux se niffirmaw trattat

Ma nafux ‘il min naqbdu nfittxu għad-danni.

Din mhix gwerra.

Din mhix paċi.


 

Posted in: Poems, Uncategorized

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s